ISLAM MAY SADQA KI AHMIAT PANI AAG OR NAMAK DENA BHI SADQA HY HADETH IBNE MAAJA

Hazrate Ayesha (RaziAllahu Anha) Se Riwayat Hai Ki, Unhone Kaha Ya Allah Ke Rasool (Sallalaho Alaihi Wa Sallam) ! Kaun Si Cheez Ko Rokana Halaal Nahin?

Huzoor (Sallalaho Alaihi Wa Sallam) Ne Farmaya – “Paani, Namak Aur Aag Ko”.

Ummul Mominin Farmaati Hai Maine Arz Kiya – ‘Yeh Paani Jo Hai Iss Ki Ahmiyat Ko Hamney Jaan Liyaa, Namak Aur Aag Ka Kya Mu’amla Hai?’

Aap (Sallalaho Alaihi Wa Sallam) Ne Farmaya – ‘Jisne Kisi Ko Aag Di Usne Goya Wah Sara Khana Sadqa Kiya Jo Uss Aag Se Tayyar Hua,

Aur Jisne Namak Diya Usne Goya Wah Sab Kuch Sadqa Kar Diya Jo Uss Namak Se Durust Hua,

Aur Jisne Kisi Musalman Ko Uss Jagah Paani Ka Ghoont Pilaaya Jahaa Paani Paya Jaata Hai Tou Goya Ek Gulaam Azaad Kiya,

Aur Jisne Musalman Ko Wahan Paani Ka Ghoont Pilaya Jahan Paani Nahin Paya Jata Tou Usne Usey Zindaa Kar Diya”.(ibne maaja)